Bandat shqiptare të krimit të organizuar, gjithnjë e më tepër, po zgjerojnë territoret dhe fuqinë e tyre në Gjermani.
Sipas raportit të fundit të Entit gjerman Federal të Kriminalistikës, bandat shqiptare në Gjermani dominojnë me të paktën 8 grupe të krimit të organizuar, të pasur nga sirianët me 7 dhe irakenët me 5 grupe.
Krahasuar me të dhënat e vitit 2018, bandat shqiptare kanë rritur aktivitetin e tyre me rreth 20 përqind.
Në 93 përqind të rasteve, bandat shqiptare në Gjermani merren me trafikimin e lëndeve narkotike, ku përfshihet importi i kokainës nga Ekuadori e deri tek prodhimi dhe trafikimi i kanabisit.
Nga 31 banda shqiptare të identifikuara në Gjermani për krimin e organizuar, 29 prej tyre janë të fokusuara në trafikun e drogës.
Shqiptarët janë grupi i dytë më i madh pas gjermanëve, që merren me trafikimin e drogës në gjithë Gjermaninë.
Të ardhurat e fituara nga trafiku i drogës nga këto banda llogaritet në vlerën e mbi 13,5 milionë euro. Krahasuar me vitin 2018, fitimi i bandave shqiptare është dyfishuar.
Vetëm në vitin 2019, policia gjermane ka futur në listat e tyre 146 shqiptarë të dyshuar si pjesë e bandave kriminale. Në total numri i shqiptarëve në këto lista është 244.
