Raporti i EuroBarometer: 71 përqind e shqiptarëve e konsiderojnë shumë keq ekonominë në vend

Nga Exit News
Raporti i EuroBarometer: 71 përqind e shqiptarëve e konsiderojnë shumë keq ekonominë në vend

71 përqind e shqiptarëve e konsiderojnë gjendjen ekonomike në vend si shumë të keqe, sipas raportit të Euro Barometer.

Sipas këtij raporti, 28 përiqind e tyre e shohin si shumë të mirë ndërsa 1 përqind është përgjigjur “nuk e di”.

Qytetarët shqiptarë kanë renditur situatën ekonomike, shëndetësinë dhe papunësinë si tre problemet kryesore me të cilat po përballet vendi në këtë moment, ndërkohë që kanë renditur kostot e jetesës dhe shëndetësinë si probleme që ata hasin në përditshmërinë e tyre.

Raporti nxjerr në pah mungesën e besueshmërisë te institucionet ku 31 përqind e qytetarëve shqiptarë nuk kanë besim në to.

Nga ana tjetër për shqiptarët ka qënë shumë e vështirë për të jetuar me rregullat kundër koronavirusit, ku 34 përqind janë shprehur se kanë patur vështirësi të përshtaten.

Të pyetur për pritshmëritë për vitin e ardhshëm shqiptarët janë shprehur optimistë ku 48 përqind e tyre pohojnë se do të ketë përmirësime, ndërsa 45 përqind janë shprehur se ekonomia do të rikuperohet pas vitit 2023.

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>