Raportuesi i CDU/CSU për vendet e Ballkanit Perëndimor në Komisionin e Jashtëm të Bundestagut, Christian Schmidt ka deklaruar se procedura administrative dhe ligjore e përdorur për shembjen e Teatrit Kombëtar shtron shumë pikëpyetje.
“Unë do të doja te kisha përshtypjen se Shqipëria po bënte shumë përpjekje me shtetin ligjor përpara hapjes së negociatave të antarsimit në BE.” – ka thënë Schmidt.
“Sidomos me një kryeministër me prirje artistike si Edi Rama, mendova se ruajtja e Teatrit Kombëtar, e mbi të gjitha sundimi i ligjit, do të ishin shqetësime kryesore për të”. – ka përfunduar ai.
