Raportuesja për Kosovën në Parlamentin Europain, Viola von Cramon deklaroi se rrëzimi i qeverisë Kurti në mars ishte gabim.
Në një intervistë për Deutsche Wellen, Von Cramon u shpreh:
“Besoj se ishte gabim i madh, që u rrëzua qeveria më 25 mars. Shumë në perëndim e komentuan atëherë kështu, dhe ne të gjithë e kritikuam që nuk është ide e mirë të rrëzosh në kohë pandemie një qeveri.”
Von Cramon tha se i vjen keq që Gjykatës Kushtetuese iu desh 6 muaj kohë për të thënë atë që shumë thanë në fillim: se ngritja e qeverisë Hoti ishte e paligjshme:
“Gjykata Kushtetuese konfirmoi atë që e thanë që në fillim shumë vetë, që kjo zgjedhje nuk ishte kushtetuese, edhe nën atë rrethanë që u lejuan në votim, persona që ishin dënuar.
Këtë pohim nuk e kisha bërë më parë, sepse në fillim është mirë të thonë fjalën e tyre gjykatat. Për mua është për të ardhur keq, që Gjykatës Kushtetuse iu desh shumë kohë për këtë.”
Ajo theksoi se tashmë vendit i duhen zgjedhje të reja për të zgjedhur qeverinë dhe një president i ri, vendimi që nuk janë të thjeshta për tu marrë gjatë pandemisë:
“Na duhet një datë për zgjedhjet e parlamentit e natyrisht para fundit të prillit do duhet të zgjidhet presidentja apo presidenti i ri.
T’i bësh të gjitha këto në kohë pandemie, në kohën kur gjendja ekonomike është vështirësuar, e në një situatë, kur të gjithë presin nga Kosova rezultate në drejtim të dialogut, nga ana politike nuk është e lehtë, kjo është e qartë.”
Von Cramen tha se shpreson që zgjedhjet e reja të nxjerrin një qeveri të qëndrueshme, të gatshme për të vijuar reformat:
“Shpresoj që këto zgjedhje të sjellin aq stabilitet, që të mos kemi çdo vit zgjedhje të reja, e që të fillojnë reformat që presin prej një kohe të gjatë; reforma në lidhjen me ligjin zgjedhor, reforma në drejtësi, ajo në lidhje me luftën kundër korrupsionit.”
Në 25 mars 2020, Parlamenti i Kosovës votoi për shkarkimin e qeverisë së Albin Kurtit, në një mocioni paraqitur nga partneri në qeveri i Lëvizjes Vetëvendosja, Partia Demokratike e Kosovës.
Qeveria Kuti kishte vetëm 50 ditë që kishte marrë detyrën.
