Spanja ka raportuar 838 vdekje nga Koronavirusi brenda 24 orëve të fundit, duke e çuar numrin e përgjithshëm në 6,531 vdekje.
Spanja është vendi i dytë në botë për numrin e vdekjeve, pas Italisë, dhe vendi i katërt me numrin më të lartë të të infektuarve.
Ministria spanjolle e Shëndetësisë raportoi 6 549 raste të reja infektimi, duke e çuar numrin e përgjithshëm në 78 797.
Në Spanjë janë mbyllur të gjitha bizneset e panevojshme dhe njerëzit mund të dalin nga shtëpia vetëm për të bërë pazar.
