Rindërtimi, karta elektorale e Edi Ramës

Nga Exit News
Rindërtimi, karta elektorale e Edi Ramës

Zgjedhjet e ardhshme janë pas pesë muajsh dhe Shqipëria ka hyrë në fazën e rradhës të inagurimeve elektorale. Por këtë herë inagurimet kanë një specifikë: po zhvillohen nën kuadër të rindërtimit pas tërmetit të nëntorit 2019, që shkaktoi 51 viktima, mbi 750 të plagosur dhe qindra ndërtesa të rrënuara.

Siç e ka theksuar shpesh dhe ministri i Rindërtimit Ahmetaj, rindërtimi nuk është thjesht program social për të ndihmuar njerëzit, ai është një proces politik me qëllim të qartë:

Rindërtimi duhet të tregojë se — Partia Socialiste dhe Edi Rama — janë forca të përgjegjshme që e mbajnë fjalën.

Për këtë qëllim, procesi i rindërtimit është planifikuar dhe po propagandohet për t’i ndikuar njerëzit të votojmë PS-në dhe Edi Ramën, në zgjedhjet e ardhshme.

Në emisionin “Me pak Fjalë”, të enjten u theksua sado cinike që të tingëllojë—tërmeti fatkeq ka qenë mundësi e artë politike për qeverinë dhe Edi Ramën: ai ndodhi në kohë perfekte politike,

Mjaftueshëm kohë para zgjedhjeve për të planifikuar dhe shfrytëzuar rindërtimin si kartën kryesore të zgjedhjeve të ardhshme.

Sigurimi i fondeve

Sfida e parë e qeverisë në këtë drejtim ishte sigurimi i fondeve për rindërtim. Qeveria përfitoi nga ndihma e huaj duke marrë qindra milionë euro mbështetje falas dhe hua. Përfitoi gjithashtu nga solidariteti politik për të marrë borxh në mënyrë ta pakufizuar.

Siç e kemi theksuar dhe më parë, vetëm gjatë këtij viti qeveria Rama ka marrë gati 1 miliardë euro borxh, një shumë që nuk do të mund të merrej në një gjendje normale.

Gjysmën e borxhit: 62 miliardë lekë ose rreth 500 milionë euro nga buxheti i shtetit, qeveria e ka angazhuar për rindërtimin për vitin 2020 dhe 2021.

Rreth gjysëm miliardë euro të tjera janë financime të huaja, për rindërtimin, pjesa më e madhe dhuratë, të menaxhuara jashtë buxhetit të shtetit.

Pra në total, qeveria ka arritur të sigurojë nga buxheti dhe donatorët rreth 1 miliardë euro për rindërtimin.

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>