Senati Amerikan falenderon në Twitter Shqipërinë për strehimin e afganëve

Nga Exit News
Senati Amerikan falenderon në Twitter Shqipërinë për strehimin e afganëve

Komiteti i Senatit Amerikan për Marrëdhëniet me Jashtë ka mirëpritur vendimin e qeverisë shqiptare për të strehuar afganët e larguar nga vendi i tyre pasi talibanët kanë marrë në kontroll të gjithë territorin.

“Populli i Shqipërisë po i tregon edhe një herë botës se çfarë do të thotë “BESA”. Ju keni respektin dhe falenderimet tona”, shkruhet në llogarinë e Twitterit të komitetit.

Mbi vendimin e qeverisë reagoi edhe ambasadorja Kim në Tiranë.

“BESA – atëherë kur ka më shumë rëndësi, populli shqiptar tregon gjithnjë nder, guxim dhe mirësi. Ne jemi krenarë që ju kemi miqtë dhe aleatët tanë.”, shkruan ajo në Twitter.

Më herët ishte ish-sekretarja e Shtetit, Madeleine Albright e cila shprehu mirënjohjen e saj ndaj Shqipërisë, Kosovës, Maqedonisë së Veriut dhe Kanadasë për vendimin e tyre për t’iu ofruar strehë afganëve.

Qeveria shqiptare tregoi të dielën se ka pranuar të strehojë disa qindra afganë, të cilët kanë punuar për qeverinë amerikane.

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>