Serbia kërkon kompromis ‘të vërtetë’ dhe ‘të qëndrueshëm’ me Kosovën

Nga Exit News
Serbia kërkon kompromis ‘të vërtetë’ dhe ‘të qëndrueshëm’ me Kosovën

Presidenti i Serbisë Aleksandër Vucic tha të hënën se Serbia kërkon “kompromis të vërtetë dhe të qëndrueshëm” me Kosovën duke “ruajtur interesat kombëtare të Serbisë”.

Ai zhvilloi të hënën  një takim me të dërguarin special të Departamentit Amerikan të Shtetit për Ballkanin Perëndimor Matthew Palmer.

Gjatë takimit u ndal dhe tek  dialogu me Kosovën ku tha se” Serbia është dhe do të jetë gjithmonë e vendosur në mënyrë të vendosur për paqen, prosperitetin dhe mirëqenien e të gjithë njerëzve që jetojnë në Ballkanin Perëndimor”.

Ai tha se Serbia është e përkushtuar ndaj “dialogut, solidaritetit, projekteve dhe bashkëpunimit që synon lidhjen e popujve, kulturave dhe ekonomitë”.

“Ne kemi konsideruar shumë çështje të rëndësishme, si dhe të gjitha ndryshimet që ekzistojnë midis nesh,” tha Presidenti Vuçiç.

Palmer theksoi se një nga interesat prioritare të Shteteve të Bashkuara është |stabiliteti dhe siguria e Ballkanit Perëndimor”.

Ai vlerësoi nismën e Mini Shengenit.

Palmer tha se SHBA mbështet procesin e udhëhequr nga Bashkimi Europian dhe shtoi se ai pret që dialogu të vazhdojë së shpejti.

Palmer theksoi rëndësinë e zbatimit të Marrëveshjes së Brukselit duke rikonfirmuar angazhimin e Shteteve të Bashkuara për dialog.

Takimi u fokusua më së shumti tek pandemia.

“Palmer përgëzoi Serbinë për suksesin e jashtëzakonshëm në vaksinimin, si dhe për ndihmën në vaksinat që u dërguan në vendet në rajon”, thuhet në njoftimin e presidencës së Serbisë.

“Ai veçanërisht theksoi rëndësinë e një politike të tillë rajonale, e cila synon solidaritetin dhe lidhjen, duke theksuar se pikërisht në kohë sfiduese, shtetet duhet të gjejnë një mundësi për të shprehur gatishmërinë e tyre për bashkëpunim”, njofton më tej presidenca.

Palmer zhvilloi po ashtu të enjten një takim virtual me Presidenten në detyrë të Kosovës, Vjosa Osmanin.

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>