Serbia refuzon marrëveshjen e Brukselit, bisedimet vazhdojnë

Serbia refuzon marrëveshjen e Brukselit, bisedimet vazhdojnë

Serbia ka refuzuar të firmosë tekstin e marrëveshjes së arritur një ditë më parë në Bruksel dhe si rrjedhim, negociatat mbi problemin e njohjes së targave me Kosovën do të vijojnë edhe të enjten.

Të mërkurën në mbrëmje shefi i delegacionit të Kosovës për dialog me Serbinë, Besnik Bislimi u kthye në Kosovë dhe pohoi se palët kishin arritur një mirëkuptim, por që ende nuk ishte miratur nga Serbia.

“Kemi arritur te një draft përfundimtar i cili dakorduar pothuajse në tërësi ka mbetur që vetëm që pala serbe të jap dakordimin final, nëse po, mund të fillojë zbatimi i marrëveshjes shumë shpejt”, tha shefi i delegacionit të Kosovës, Besnik Bislimi.

Marrëveshja parashikonte që dy vendet të përdornin “letra ngjitëse” në vend të targave të përkohshme në automjetet respektive.

Burime nga Brukseli i thanë Radios Europa e Lirë se diskutimet do të vazhdojnë të enjten mes delegacioneve dhe se ende nuk ka një marrëveshje, ndonëse ka pasur përparim për çështjen e targave.

Delegacioni serb ka pasur takime me të dërguarin e posaçëm të Bashkimit Evropian për dialog, Mirosllav Lajçak deri në orët e vona të mbrëmjes të mërkurën.

Por delegacioni i Serbisë deri të mërkurën vonë nuk e ka pranuar tekstin e marrëveshjes, prandaj pritet që diskutimet të vazhdojnë edhe të enjten.

Ndërkohë, pala kosovare pritetet të jetë prezente në distancë, nëpërmjet lidhjeve online.

LEXO  Kurti dhe Vuçiç, takime në Bruksel javën që vjen

Marrëveshja e një dite më parë parashikonte edhe që Kosova do të tërhiqte njësitë speciale të policisë nga pikat kufitare Jarinë dhe Bërnjak, të cilat do të zëvendësoheshin nga KFOR-i, si dhe heqjen e barrikadave nga rrugë nga pala serbe.

 

 

Adresa juaj e emailit nuk do bëhet publike.

Lajme te ngjashme