Marina e SHBA-ve ka kapur javën e kaluar një ngarkesë të madhe armësh në Detin Arabik, që mendohet se udhëtonte nga Irani për në Houthis në Jemen.
Ngarkesa udhëtonte në mënyrë të paligjshme një anije tradicionale arabe me vela, sipas raportimit tw CNN.
Ajo u zbulua nga USS Monterey dhe rojet bregdetare të SHBA-ve (AIT) gjatë një kontrolli rutinë, për verifikimin e flamurit në ujërat ndërkombëtare.
Armët e gjetura përfshijnë raketa të përparuara ruse anti-tank, mbi 3,000 pushkë kineze tip 56, qindra mitralozë PKM, pushkë snajper dhe raketahedhës.
Origjina dhe destinacioni i armëve gjendet ende nën hetim, por disa furnizime armësh, të konfiskuara më parë nga marina amerikane në të njëjtat rrethana, ishin për rebelët Houthi në Jemen.
Nëse kjo tezë vërtetohet, ajo provon se Irani po ndërhyn në konflikt dhe se ka shkelur embargon e vendosur nga Këshilli i Sigurimit në vitin 2015 për rebelët në Jemen.
