SHBA-të kujtojnë 30 vjetorin e vendosjes së marrëdhënieve diplomatike me Shqipërinë

Nga Exit News
SHBA-të kujtojnë 30 vjetorin e vendosjes së marrëdhënieve diplomatike me Shqipërinë

Shtetet e Bashkuara të Amerikës (SHBA) kanë kujtuar sot, 15 mars, 30 vjetorin e vendosjes së marrëdhieneve diplomatike me Shqipërinë, pas rënies së regjimit komunist.

Sekretari amerikan i Shtetit Ned price ka publikuar në Twitter, video- urimin e tij për Shqipërinë. Price theksoi se SHBA-të janë aleati dhe partneri më i madh i shqiptarëve. Më poshtë mesazhi i plotë i Price:

“Në 15 mars 1990 SHBA dhe Shqipëria rivendosën lidhjet diplomatike. Sot ne shënojmë këtë përvjetor dhe zgjedhjen strategjike të popullit shqiptar për të përqafuar demokracinë dhe komunitetin euro-atlantik.

Kemi shumë për të festuar. Përgjatë 30 vjetëve të fundit Shqipëria dhe SHBA-të kanë ndërtuar një marrëdhënie të fortë të bazuar në vlera dhe qëllime të përbashkëta dhe lidhjen nga njerëzit me njerëzit.

Shqipëria është një aleat i palëkundur i NATO-s. I jemi mirënjohës Shqipërisë për lidershipin e saj dhe rolin e saj në promovimin e sigurisë rajonale e globale përmes kontributit të saj si anëtare e NATO-s. Së bashku ne do të vazhdojmë të bëjmë progres në vizionin tonë dhe të rrisim marrëdhëniet tona.

Shqipëria nuk ka një aleat më të madh, partner ose mik se SHBA-të. Ne shohim përpara se çfarë mund të arrijmë së bashku në 30 vitet e ardhshme”.

Kujtojme se këtë vit dy kompani të mëdha amerikane do të nisin investimet në vend, kompania Bechtel Enkel dhe ExxonMobile.

LEXO  Valë e re infektimesh me COVID-19 në SHBA

Lajme te ngjashme

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>