Shefja e Infektivit apel qytetarëve: Bëni kujdes, spitalet janë të tejmbushur me pacientë me Covid

Nga Exit News
Shefja e Infektivit apel qytetarëve: Bëni kujdes, spitalet janë të tejmbushur me pacientë me Covid

Doktoreshë Najada Çomo, shefe e spitalit Infektiv, i ka bërë apel qytetarëve që të respektojnë masat për parandalimin e koronavirusit, pasi virusi është shpërhapur shumë dhe numri i pacientëve në spitale është rritur.

Në një video publikuar nga ministrja e Shëndetësisë Ogerta Manastirliu, doktoresha Çomo u shpreh:

“Jemi në sezonin e verës. Kanë kaluar 5 muaj dhe fluksi i pacientëve ka ardhur duke u shtuar. Kam një apel për qytetarët që gjithë këto muaj pune intensive janë një lodhje e jashtëzakonshme.

Virusi është midis jush, është edhe midis nesh si personel shëndetësor që iu shërbejmë ne. Ne jemi për t’iu shërbyer juve, ju jeni për të mbrojtur shëndetin tuaj.”

Ajo i bëri thirrje qytetarëve të shmangin vendet ku ka shumë grumbullime njerëzish, pasi ato janë vendet më të rrezikshme për marrjen e virusit.

Aktulisht në dy spitalet Covid janë të shtruar 122 pacientë,  ndër to 14 janë në terapi intensive dhe 4 janë të intubuar.

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>