Tre futbollistë të Firoentinës, Patrick Cutrone, German Pezzella dhe Dusan Vlahovic janë shëruar nga Covid-19.
Lajmin e njoftoi vetë klubi me një deklaratë për shtyp gjatë fundjavës:
“Tre futbollistët rezultuan negativ në testimet për Covid-19. Falenderojmë mjekët, infermierët dhe strukturat spitalore që vazhdojnë t’u shërbejnë të gjithëve që janë në nevojë në një moment kaq kritik për vendin dhe botën.”
Cutrone, Pezzella dhe Vlahovic janë 3 nga dhjetëra lojtarë të Serie-A-së që u infektuan me Covid-19 gjatë muajit mars.
Për të ndihmuar në situatën e krijuar, Fiorentina ka nisur një fushatë mbledhje fondesh për sistemin shëndetësor duke mbledhur deri më sot 760 mijë euro.
Italia ka rreth 125 mijë të infektuar me koronavirus, prej të cilëve mbi 15 mijë kanë vdekur.
