Shkarkohet nga vetingu gjyqtarja e çështjes Shullazi

Nga Exit News
Shkarkohet nga vetingu gjyqtarja e çështjes Shullazi

Komisioni i Pavarur i Kualifikimit shkarkoi nga detyra, të hënën, gjyqtaren e Apelit të Korçës Etleva Temo.

Vendimi u mor nga Firdes Shuli, Olsi Komici dhe Pamela Qirko.

Gjatë hetimit administrativ, KPK gjeti probleme me deklarimin e pasurisë dhe profesionalizmin e gjyqtares.

Ajo nuk mundi të justifikojë se përse një automjet i vjetër dhe i përdorur është shitur disa herë më shtrenjtë nga bashkëshorti i gjyqtares. Po ashtu u gjetën probleme me burimet e pasurisë për të justifikuar shpenzimet e bëra nga familja e gjyqtares.

Etleva Temo e ka nisur karrierën në sistemin e drejtësisë në vitin 2003 si gjyqtare në Gjykatën e Pogradecit. Në vitin 2014, Temo është promovuar si gjyqtare në Gjykatën e Apelit të Korçës.

Temo ishte përzgjedhur nga KLGJ-ja për të qenë pjesë e trupës gjykuese të çështjes së bandës së Shullazit, trupë që tashmë ka mbetur me një gjyqtar.

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>