![WhatsApp Image at PM Shkencëtarët rusë thonë se Sputnik V është efektive kundër varianteve të COVID](https://exit.al/wp-content/uploads/2020/12/WhatsApp-Image-2020-12-23-at-1.59.07-PM-1.jpeg)
Disa shkencëtarë rusë thanë se vaksina Sputnik V është efikase ndaj varianteve të reja të COVID-19.
Një provë ruse që teston efektivitetin e rivaksinimit me Sputnik V për të mbrojtur nga mutacionet e reja të koronavirusit po prodhon rezultate të forta, thanë studiuesit të shtunën.
Muajin e kaluar Presidenti Vladimir Putin urdhëroi një rishikim të vaksinave të prodhuara nga Rusia deri më 15 mars, për efektshmërinë e tyre kundër varianteve të reja që po përhapen në pjesë të ndryshme të botës.
“Studimi i fundit i kryer nga Qendra Gamaleya në Rusi tregoi se rivaksinimi me vaksinën Sputnik V po funksionon shumë mirë kundër mutacioneve të reja të koronavirusit, duke përfshirë llojet e koronavirusit në Mbretërinë e Bashkuar dhe Afrikën e Jugut,” tha Denis Logunov, një zëvendës drejtor i qendra, e cila zhvilloi vaksinën Sputnik V.
Rezultatet e testimit pritet të publikohen së shpejti, por ky ishte treguesi i parë se si po shkojnë testet. Nuk kishte detaje të tjera akoma, raporton Retuters.