‘Shqipëria 1 euro’, qeveria u jep 540 mijë metër katrorë tokë 7 kompanive

Nga Redaksia
‘Shqipëria 1 euro’, qeveria u jep 540 mijë metër katrorë tokë 7 kompanive

Qeveria Rama i ka dhënë me qira rreth 540 mijë metër katrorë tokë 7 kompanive në vitin 2019, si pjesë e programit “Shqipëria 1 euro”.

“Shqipëria 1 Euro” është një nismë e qeverisë Berisha, që kishte si synim tërheqjen e investitorëve të huaj duke i dhënë aty pasuri publike shtetërore me pagesë simbolike vetëm një euro.

Këto lloj kontratash më sipërmarrësit aplikohen për prona shtetërore me sipërfaqe mbi pesëqind metra katrorë.

Open Data Albania ka bërë publike kompanitë që përfituan të tilla kontrata në vitin 2019:

– Kompania Blu Imperial shpk, në pronësi të Hairedin Kastratit ka përfituar 353,686 metra katrorë në Tiranë, ku një pjesë është tokë dhe një pjesë objekte, më saktësisht ish grup-depot e Repartit Ushtarak nr 2045 dhe pesë tunele me sipërfaqe 3 424.6 metër katrorë. Kompania do të ketë më qira këtë sipërfaqe për 20 vite. Qëllimi i biznesit është ndërtimi i një Kapanoni brenda të cilës do të montohen dy linja të reja për mbushjen e ujit mineral të gazuar dhe të pa gazuar në shishe.

– Kompania Alliance Resource shpk, në pronësi të Mbarime Korocit dhe Wen Ming, ka përfituar sipërfaqen e përgjithshme prej 57 390 metra katrorë në Elbasan, ku bëjnë pjesë Depoja e Koncentratit të Hekurit dhe Vaskat e Betonit. Në këtë sipërfaqe, kompania do të ndërtojë një Fabrikë Prodhimi të Oksideve të Zinkut dhe hekur nikelit.

– Kompania Rozafa shpk, në pronësi të Gjergj Lucës, ka përfituar 2 kontrata: njëra për një sipërfaqe 49, 247 metra katrorë në Librazhd, ndërsa tjetra 28,960 metra katrorë në Gramsh. Rozafa shpk duhet të përdorë këtë objekt për ndërtimin e një fabrike për përpunimin e karkalecit nëpërmjet përpunimit aktiv të mallrave.
– Kompania nga Koreja e Jugut Yura Corporation e zotëruar nga Yura Co.Ltd ka përfituar 49,347 metër katrorë në fshatin Zhupan në Fier. Më parë kjo kompani ka aplikuar në Agjencinë Shqiptare të Zhvillimit të Investimeve dhe Komitetin e Investimeve Strategjike të saj, për të marrë statutin e investitorit strategjik me të drejtën për të zhvilluar projektin e investimit të huaj për Projektim, Ndërtim, Pronësi, Mirëmbajtjen dhe Operimin të një strukture industriale fabrikë dhe objekte të tjera për prodhimin e sisteme dhe pjesëve elektrike për automobil, me një vlerë investimi prej rreth 6,5 milionë eurosh.

– Fondacioni Fundjavë Ndryshe, themeluar dhe drejtuar nga Arbër Hajdari, ka përfituar 43,169 metër katrorë në Brar të Tiranës. Qëllimi i kontratës është dhënia në gëzim të përkohshëm të objektit për ngritje të një kompleksi administrativ, arsimor dhe shërbime falas për ndihmën dhe rehabilitimin e njerëzve në nevojë.

– Kompania MTCS shpk, në pronësi të gazetarit Carlo Bollino, ka përfituar një sipërfaqe prej 4021 metër katrorë në Tiranë, për 20 vjet ku do të ndërtohet një televizion me parametra teknik bashkëkohor.

– Kompania UNIERO shpk, në pronësi të Suela Gjyzelit, ka përfituar një sipërfaqe prej 930 metrash katrorë për 8 vjet. Qëllimi i kontratës është prodhimi i çantave prej letre dhe tekstili si dhe mallrave fason.

5 komente

  1. . 2 Janar, 2020 në 6:09 pm

    Dopio standart nderkohe qe une dhe te tnere kemi qe ne fillim qe protestojme ne menyra te ndryshme per keta mizerje qe i bejne kastile keto gjera. Na mbyllen te gjitha dyert.

  2. Lapsi 2 Janar, 2020 në 11:20 pm

    Nje pasaktesi te vogel ose info nuk eshte azhornuar sipas te rejave te fundit ne lidhje me siperfaqen e tokes ne Librazhd rreth 50.000 m2, shoqeria Rozafa shpk e z Luca fillimisht ju dha me qera per rreth 20 vite me cmim 1 euro kontrata ne vitin 2015. Nderkohe rretg ne vitit 2018 e nejta siperfqeje toke u privatizua meedhe pae kishte nje kontrate 20 vjecare, ju shit me cmim qesharak pa asnje gare dhe pa asnje kriter edhe pse kjo marredheneie ishte ne efekt te nje kontrate qeradhenje..

    • A. Brahaj 3 Janar, 2020 në 12:19 pm

      Rozafa ka disa kontrata te tilla, ne artikull jane permendur vetem ato te 2019. Tek Open Corporates Albania gjate janar 2020 do te publikohen te gjitha kontratat e viteve te fundit.

  3. Gogo 4 Janar, 2020 në 6:10 am

    Uau, po kjo qenka vjedhja me e madhe e 2019-es! I shofte zoti hajduta muti. Dhjefsha Spak.

  4. Mitro 4 Janar, 2020 në 12:07 pm

    S’ka faj Luca qe ngjit ne muret e ish depove te rezervave Skenderbeun e Rilindur pas 500 vjetesh .”Qeni leh ku ha” thote populli .

Adresa juaj e emailit nuk do bëhet publike.

Lajme te ngjashme