Shqipëria dhe Italia risin bashkëpunimin në luftën kundër trafikimit të lëndëve narkotike 

Nga Exit News
Shqipëria dhe Italia risin bashkëpunimin në luftën kundër trafikimit të lëndëve narkotike 

Shqipëria dhe Italia kanë rritur bashkëpunimin mes tyre për të goditur trafikimin e lëndëve narkotike. Të martën  kreu i Policisë italiane, Franco Gabrielli pati një takim me homologun e tij Ardi Veliun.

Në takim u fol për përmbushjen e objektivave të përbashkëta dhe më së shumti ishe i karakterit teknik. Takime të ngjashme do të mbahen çdo  muaj.

Veliu dhe Gabrielli nënshkruan një protokoll të ri, i cili ka për qëllim mbikëqyrjen ajrore në territorin shqiptar, me bashkëpunimin e Guardia di Finanza.

Mbikëqyrja do të shërbejë për gjetjen e vendeve ku kultivohet kanabis por edhe për zbulimin e rasteve të trafikimit në kufirin detar.

Në takim ishin të pranishëm edhe Ambasadori italian në Shqipëri, Fabrizzio Bucci dhe Ambasadorja shqiptare në Itali, Anila Bitri si dhe zv-ministri i Brendshëm Julian Hodaj.

Lufta kundër krimit të organizuar dhe korrupsionit, emigracioni i jashtëligjshëm, janë disa nga temat e diskutuara në takim.

Takimi do të shërbejë si një hap drejt “rritjes së mëtejshme të bashkëpunimit” , thanë autoritetet.

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>