Shqipëria kërkon korrigjimin e vendimit të arbitrazhit për Becchetin

Nga Exit News
Shqipëria kërkon korrigjimin e vendimit të arbitrazhit për Becchetin

Shqipëria ka kërkuar korrigjim të vendimit të gjykatës së Arbitrazhit Ndërkombëtar, ICSID, për pagesën e 111 milionë eurove dëmshpërblim për prishjen e kontratës për hidrocentralin e Kalivaçit, me kompaninë e Francesco Becchetit.  Kjo kërkësë u regjistrua në 26 maj 2021, në gjykatën e Arbitrazhit Ndërkombëtar, nga Sekretari i Përgjithshëm i Arbitrazhit.

Ndërkohë, Avokatura e Shtetit ka hapur tender për firmën ligjore e cila do të mbrojë vendin në këtë çështje.

Çfarë do të thotë korrigjim i vendimit:

Është e paqartë se për çfarë korrigjimi bëhet fjalë. Zakonisht korrigjimet lidhen me gabime në llogaritjen ose mënyrën e argumentimit të dëmshpërblimit, ose kur është zbardhur gabim vendimi i gjykatës.

Megjithatë nuk përjashtohet mundësia, që të ketë fakte të reja të cilat vënë në diskutim të gjithë vendimin.

Korrigjimi nuk është apelim, ai lidhet vetëm me korrigjime të vogla.

Historiku:

Vendimi për dëmshpërblimin u morr më 2 prill 2021 nga Gjykata e Qendrës Ndërkombëtare për Zgjidhjen e Mosmarrëveshjeve të Investimeve (ICSID) pranë Bankës Botërore.

Sipas vendimit të ICSID, qeveria shqiptare, me vendimet e saj, ka shkatërruar investimet e bëra nga Becchetti dhe ortakët e tij në shoqërinë mediatike Agon Set, pjesë e të cilit ishte dhe televizioni Agon Channel.

Beccheti ka kërkuar konfiskimin e pasurive të Shqipërisë në Austri, deri në likujdimin e detyrimit nga shteti shqiptar.

Duke filluar që nga vitit 2014, Beketi dhe kompanitë e tij kane hapur një sërë çështjesh kundër Shqipërisë pranë arbitrzhit dhe gjykatave ndërkombëtare.

Janë hapur dhe zhvilluar katër proces arbitazhi prej të cilave 3 janë fituar nga Shqipëria ndërsa çështja për konfiskimin e aseteve u humb dhe shteti shqiptar duhet t’i paguajë Becchettit 111 milionë euro.

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>