Shqipëria me vdekshmërinë më të lartë foshnjore në rajon

Nga Exit Staff
Shqipëria me vdekshmërinë më të lartë foshnjore në rajon

Sipas të dhënave të Eurostat-it, Shqipëria ka shkallën më të lartë të vdekshmërisë foshnjore në rajon, duke ngjallur shqetësime për cilësinë e kujdesit për nënën dhe pas lindjes.

Ndërsa niveli i varfërisë është ulur dhe kushtet në spitale janë përmirësuar disi, shkalla e vdekjeve të foshnjave mbetet shqetësuese.

Eurostat vuri në dukje në një raport për Ballkanin Perëndimor dhe Turqinë, se shkalla e vdekshmërisë foshnjore në Shqipëri ishte 10.3 për 1000 lindje. Kjo është pothuajse trefishi i mesatares rajonale, sipas Eurostat.

Kosova renditet e dyta me 8.7 për 1000, e ndjekur nga Maqedonia e Veriut me 5.6, Serbia me 4.8 dhe Mali i Zi me 2.4. Në Evropë, mesatarja në 2019 ishte vetëm 3.4.

Në vitin 2020, rreth 281 foshnja nën një vjeç humbën jetën, ndërsa në 2019 shifra ishte 293, niveli më i lartë që nga viti 2021.

Ndër shkaqet e vdekjes ishin ndërlikimet në shtatzëni dhe në lindje. Vdekjet nga sëmundjet e frymëmarrjes gjithashtu rriten 400% në 2020, krahasuar me 2018. Nuk dihet nëse kjo ka ndonjë lidhje me pandeminë COVID-19.

Exit më parë iu drejtua Ministrisë së Shëndetësisë dhe Institutit të Shëndetit Publik për të kërkuar të dhëna për shkaqet e sakta të vdekjeve të foshnjave, duke përfshirë gjumin e përbashkët, SIDS, mungesën e ushqimit të duhur, sëmundje të parandalueshme me vaksina, asfiksi pozicionale dhe të ngjashme, por nuk kishte asnjë përgjigje.

 

EU funded RDN

Ky artikull është realizuar me mbështetjen financiare të Bashkimit Evropian, në kuadër të Projektit “Reporting Diversity Network 2.0”, nën skemën e mbështetjes së granteve të vogla.

Përmbajtja e tij është përgjegjësi e vetme e “New Policy Group” dhe, si e tillë, nuk pasqyron domosdoshmërisht pikëpamjet e Bashkimit Evropian apo të Rrjetit të Raportimit të Diversitetit 2.0.

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>