Shqiptarët besojnë çdo gjë të shkruar: të parët në Evropë për besimin në shtyp, të dytët për rrjetet sociale

Nga Alice Elizabeth Taylor
Shqiptarët besojnë çdo gjë të shkruar: të parët në Evropë për besimin në shtyp, të dytët për rrjetet sociale

Shqiptarët besojnë shumë në media, në veçanti në median e shkruar—më shumë se çdo vend evropian, sipas raportit të Shërbimit të Inteligjencës Mediatike EBU.

Në raportin “Besimi në Media 2020”, analizohet si qytetarët e vendeve europiane e perceptojnë median.

67 për qind e shqiptarëve besojnë në atë çfarë dëgjojnë në radio, 66 për qind besojnë në televizion, dhe 77 për qind besojnë shtypin e shkruar. 42 për qind e shqiptarëve besojnë median, 39 për qind prej tyre kanë besim mesatar dhe vetëm 19 për qind nuk besojnë. Më pak se sa 20 për qind e popullsisë nuk besojnë në media, Shqipëria kryeson vendet e Evropës për nivelin e lartë të perceptimit të medias nga publiku, sipas këtij raporti.

Raporti mbledh rezultate nga disa studime përfshirë edhe sondazhin e Komisionit Evropian, Eurobarometrit të 92-të Standart, Raportimin e Institutit Digjital të Lajmeve 2019, GlobalWebIndex, rregullatori britanik Ofcom.

Në fakt, niveli i besimit të shqiptarëve median e shkruar ishte më i lartë nga të gjitha vendet e vëzhguara, duke kaluar Hollandën, Finlandën, Suedinë dhe Danimarkën.

Niveli i besimit të shqiptarëve, matur sipas indeksit, është rritur me 26 pikë nga viti 2009 në 2019.

Shqiptarët gjithashtu, besojnë në internet më shumë se qytetarët e vendeve të tjera evropiane. 48 për qind e tyre besojnë në ato që lexojnë në internet, 9 për qind nuk janë të sigurtë, ndërsa 43 për qind nuk besojnë.

Shqipëria renditet e treta, vetëm pas Bullgaria dhe Hungarisë, ndërsa britanikët dhe suedezët janë ata që besojnë më pak në internet.

41 për qind e shqiptarëve besojnë çfarë shohin në median sociale, të dytët vetëm pas bullgarëve me 46 për qind, ndjekur nga Turqia, Rumania dhe Hungaria ndërsa britanikët, suedezët dhe francezët renditen në fund të listës.

Vendet evropiane besojnë më shumë në radio dhe në TV më shumë se sa në median e shkruar, por në Shqipëri ndodh e kundërta.

Raporti thekson se sa më i lartë është besimi në radio dhe në TV, aq më e lirë është media në atë vend.

3 komente

  1. Paemer 9 Maj, 2020 në 5:40 pm

    Epo per nje status quo e donte robi nje virus apo jo ?
    Kjo ku hyn ? Te fallco apo e vertet o spiuna ?
    Hajde ne te sëmës te shkosh

  2. Ton Xebo 9 Maj, 2020 në 11:35 pm

    67 për qind e shqiptarëve besojnë në atë çfarë dëgjojnë në radio,
    66 për qind besojnë në televizion,
    dhe 77 për qind besojnë shtypin e shkruar
    . 42 për qind e shqiptarëve besojnë median,
    39 për qind prej tyre kanë besim mesatar dhe
    vetëm 19 për qind nuk besojnë.
    Më pak se sa 20 për qind e popullsisë nuk besojnë në media,

    Shqipëria kryeson vendet e Evropës për nivelin e lartë të perceptimit të medias nga publiku, sipas këtij raporti.

    Raport i bere nga OJF/OJQ nga zyrat mbyllur tek rr ambasadave apo ne bllok .

    Ne vendet ish komuniste mosbesimi eshte shume i madh ndaj ska arsye te besojme kete raport.
    Leket e taksapgauesve europiane jane tek e fundit dhe kujt i behet vone sesa i besueshem eshte raporti kur flet per Shqiperine. Biles mund te interpretohet si fakt ekzotik, per te bere nje dore gallate me paret e te tjereve dhe pislliqet qe dergojne zyrakratet nga Tirana

    Ne shqiperi nuk ka gazetari mirefilli , Ka opinion , dhe vetem opinion. Pjesa me e madhe mediave japin opinione propagandojne, nuk ka fact check , nuk perballje asaj cthone institucionet me te verteten pra nuk ka investigim, raportim, informim por ka shtremberim te fakteve. Ka fushate elektorale non stop.

    Ka disa portale qe perpiqen , por qe jane pak ne krahasim me mediat propagande(te Rames ne kete rast)

    Sondazhet e BE ketu i bejne ca shoqata qe marrin rrogen duke shpikur , sajuar, raporte, te paverifikuara dhe perkthime bullshit ne pjesen me te madhe, e vetmja pjese ne raport qe duhet te ishte e vertete eshte ge sjaur , fiktive 🙂

    Shqiptaret besojne ne internet sepse nuk kane ku te informohen tjeter. Bashke me informimin eshte dizinformimi.
    Mediat, si edhe insitucionet qe do te duhej te benin transparence nuk funksionojne . Nuk mund ti veme faj shqiptareve sepse besojne tek interneti.

Adresa juaj e emailit nuk do bëhet publike.

Lajme te ngjashme