Qeveria shqiptare do të shpërblejë Mihal Delilorgjin me rreth 16 mijë euro.
Ky është vendimi i Gjykatës së Strasburgut, për dëmin jo financiar të shkaktuar në dëm të tij.
Zoti Delijorgji hodhi në gjyq shtetin shqiptar, pranë kësaj gjykate, për shkeljen e afateve të paraburgimit “në pritje të datës së gjyqit”, dhe shkaktimin e stresit gjatë kësaj periudhe.
Ai u dënua nga Gjykata e Tiranës me rreth 10 vjet burg për shkelje të rregullave të sigurisë në punë. Dënim i cili u shkurtua në 6.6 vjet burg nga gjykata e Apelit.
Mihal Delijorgji qëndroi në paraburgim rreth 2,8 vjet, 2 vjet në arrest shtëpie dhe një vit në burg.
Në mars të vitit 2008, në Gërdec, në një nga magazinat nën menaxhim e kompanisë së tij, ndodhi një shpërthim i fuqishëm në të cilin u vranë 26 persona dhe u plagosën 265 të tjerë.
Për këtë fakt u ndoqën penalisht ai dhe 28 persona të tjerë të implikuar për vrasje dhe thyerje të rregullave mbi demontimin.
