Shtyhet për herë të katërt seanca për Luan Dacin

Nga Exit News
Shtyhet për herë të katërt seanca për Luan Dacin

Seanca për dënimin ose jo të ish anëtarit të Kolegjit të Posaçëm të Apelimit (KPA), Luan Daci është shtyrë.

Shkak është bërë dorëheqja e gjyqtares Anita Mici, pjesë e trupit gjykues për Dacin. Mici ka argumentuar se është në konflikt interesi pasi Daci është pjesë e trupës gjykuese në KPA për rastin e saj.

Kjo është hera e katër që shtyhet seanca në apel për Dacin. Ai akuzohet për falsifikim të dokumenteve.

Prokuroria e Posaçme kërkoi 1 vit burg për Dacin.

Sipas Kodit penal kjo vepër penale dënohet deri në tre vjet burg.

Luan Daci është shkarkuar në vitin 1997 për shkak se ka mbajtur të fshehur një vendim në lidhje me një firmë piramidale për rreth 6 muaj, si dhe ka organizuar një grevë në ambjentet e gjykatës së Tiranës.

Por gjatë aplikimit për të qenë pjesë e KPA-së, në intervistën me Komisionin Parlamentar ad hoc, Dacie  fshehu shkarkimin nga detyra duke pohuar se kishte ikur me dorëheqje.

Pas hetimeve, SPAK kërkoi pezullimin nga detyra të tij dhe akuzoi Dacin se ka fallsifikuar dokumentat. Ai u pezullua nga puna, por më pas gjykata e Posaçme e Apelit vendosi rikthimin e tij në punë.

Pas kësaj, Kolegji i Posaçëm i Apelimit vendosi për pezullimin e tij nga detyra deri në përfundim të procesit.

 

LEXO  Investitorët e huaj, Shqipëria e papërshtatshme për biznes, ka korrupsion - Pikat kryesore të vrojtimit

Adresa juaj e emailit nuk do bëhet publike.

Lajme te ngjashme