Shumica socialiste refuzon kandidaturën e Vitore Tushës për KLSH-në

Shumica socialiste refuzon kandidaturën e Vitore Tushës për KLSH-në

Komisioni i Ekonomisë në Parlament i propozoi sot Kuvendit rrëzimin e kandidaturës së Vitore Tushës për kryetare të Kontrollit të Lartë të Shtetit (KLSH).

Erjon Braçe, kryetar i Komisionit, tha se emërimi i Tushës do të vinte në rrezik formimin e organeve të reja të drejtësisë:

 “Zonja Tusha nuk ka eksperiencë në fushën e kontrollit financiar dhe ekonomik, e cila është një specifikë shumë e domosdoshme për kryetarin e KLSH-së.

Plus, Tusha është zëvendëskryetare e KED (Këshilli i Emërimeve në Drejtësi) dhe nuk mund të zëvendësohet, pasi shorti hidhet njëherë në vit dhe për shkak të detyrës rrezikon vijimin normal të organit të ri, proces më i rëndësishëm se KLSH.”

Por, justifikimi i përmendur nga deputetit Braçe nuk qendron sepse me largimin e Bashkim Dedes nga sistemi i drejtësisë KED nuk mund të mblidhet.

Vitore Tusha u propozua si Kryetare e KLSH-së nga Presidenti Ilir Meta, pasi kryetarit aktual Bujar Leskaj i përfundoi mandati.

Por, Zonja Tusha është tashmë e vetmja anëtare nga Gjykata Kushtetuese në Këshillin e Emërimeve në Drejtësi, pasi anëtari tjetër Bashkim Dedja u shkarkua dje nga Kolegji i Posaçëm i Apelimit.

Emërimi i saj në krye të KLSH-së do ta linte KED-in pa asnjë anëtar nga Gjykata Kushtetuese duke vështirësuar formimin e Gjykatës Kushtetuese dhe Inspektoriatit të Lartë të Drejtësisë.

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>