Si e pa mazhoranca, opozita parlamentare dhe ajo jo parlamentare marreveshjen e arritur në Këshillin Politik

Nga Exit News
Si e pa mazhoranca, opozita parlamentare dhe ajo jo parlamentare marreveshjen e arritur në Këshillin Politik

Me arritjen e dakordësisë në Këshillin Politik për zgjedhjen e antarëve të Komisionit të ri Zgjedhor, opozita ka marrë garancinë e kërkuar për të siguruar “që KQZ të mos ketë persona që janë të inkriminuar politikisht”.

Kështu u shpreh përfaqësuesi i Partisë Demokratike në Këshill, Oerd Bylykbashi.

Petrit Vasili i LSI tha se opozita jashtëparlamentare tashmë ka vetëm një kusht: zbatimin e reformës zgjedhore të dakordësuar mes palëve.

Sipas mazhorancës , kjo marrëveshje nuk e bën ligjin zgjedhor më të mirë.

“E rëndësishme është që kemi një ligj zgjedhor të gjithëpranuar, jo më i mirë por që rregullat e lojës të jenë pranuar nga palët.” – tha Damian Gjiknuri.

Deputetja Rudina Hajdari tha se opozita parlamentare do të vazhdojë të kërkojë ndryshimin e sistemit zgjedhor në Komisionin Parlamentar për Reformën Zgjedhore, ku ka të drejtën e vetos.

“Do i shqyrtojmë të gjitha propozimet e ardhura nga kjo marrëveshje dhe do të shtojmë ato elementë që opozita parlamentare do që të fus në këtë draft. Kjo [ndryshimi i sistemit] do të arrihet sepse vota janë të unifikuar të opozitës parlamentare.” – tha Hajdari.

1 koment

  1. Vllazrim Buzhala 25 Qershor, 2020 në 12:22 am

    Kina po u shkep thell virusin amerikes mera tish mu qi nenen juve shqiptarve mera qinu me investime amerik mera

Adresa juaj e emailit nuk do bëhet publike.

Lajme te ngjashme