Si mund të pajiseni me leje për shkuar në punë me makinën dhe motoçikletën tuaj

Nga Exit News
Si mund të pajiseni me leje për shkuar në punë me makinën dhe motoçikletën tuaj Foto

Duke nisur nga dita e hënë, 20 prill, punonjësit e bizneseve të lejuara të funksionojnë dhe punonjësit e adminsitratës publike mund të mund të marrin leje për të shkuar në punë me makinë ose me motocikletë.

Leja do të merret në portalin e-albania dhe me mesazh në numrin 55 155. Ajo do të jetë e vlefshme për nje javë (7 ditë) në fashën orare 05:00 deri në 08:30 dhe 16:00 deri në 17:30.

Si mund të pajisesh me “Leje për Mjet për Punë”, përmes e-albania

Lejet e lëvizjes me makinë do të merren online, përmes aplikimit në platformën qeveritare e-albania.

Personat, të cilët kanë një telefon inteligjent ose një kompjuter do të veprojnë kështu:

Hyni tek platforma e-albania. Nëse keni një llogari në këtë platformë klikoni direkt tek alternativa “Hyj”. Nëse nuk keni një llogari të hapur në platformë do të duhet ta krijoni një të tillë. Llogaria e re krijohet duke zgjedhur alternativën “Regjistrohu”, në fillim të faqes — për tu regjistruar duhet numri i leternjoftimit.

Pasi të keni hyrë në platformën e-albania, kërkoni “Leje për Dalje”. Në ekran do tju shfaqet një sqarim, mbi alternativën e zgjedhur. Shkoni në fund të faqes dhe klikoni “Përdor”.

Do të paraqiten dy alternativa “Leje për Këmbësorë” dhe “ Leje për Mjet për Punë”. Ju duhet të klikoni tek “Leje për Mjet për Punë”.

Më pas do të plotësoni të dhënat e juaja, nëse automjeti është në pronësinë tuaj, ai do t’ju shfaqet automatikisht në ekran.

Nëse automjeti nuk është në pronësinë tuaj, duhet të plotësoni numrin e targës dhe të shasisë.

Një person mund të aplikojë vetëm për një automjet.

Personat që punojnë me turne duhet të zgjedhin alternativën “Punë me Turne, jashtë fashës orare 05:00 deri 08:30 dhe 16:30 deri në 17:00” , dhe më pas do të zgjidhni vetë orën e saktë të vajtjes dhe të kthimit nga puna.

Leje do tju vij menjëherë në telefon me mesazh ose në email, në varësi të alternativës që keni zgjedhur.

Si të pajisesh me “Leje për mjet për punë” përmes mesazhit në telefon:

Persona të cilët kanë një telefon të thjeshtë do të dërgojnë një mesazh në numrin 55 155.

Formati i mesazhit për shtetasit shqiptarë me targë shqiptare është “M TARGË SHASI NID” dhe për ata me targë të huaj është “MF TARGË NID”

Formati i mesazhit për shtetasit e huaj më targë shqiptare është “M F TARGË SHASI NID” dhe ata me targë të huaj është: “MF F TARGË NID”.

Leja, në këtë rast do të miratohet pas 24 orësh.

Lejohet të merret në makinë vetëm një koleg pune, ose një familjarë i juaj me leje pune, i cili duhet të ulet në sediljen e pasme diagonalisht me shoferin.

Persona që do të lëvizin pa leje, duke nisur nga dita e hënë, 20 prill, do të gjobiten sipas përcaktimeve në Kodin Penal.

Policia do të kontrollojë kodin me viza të lejes, e cila do të jetë në email, ose në telefonin tuaj.

5 komente

  1. ylli memlikaj 20 Prill, 2020 në 8:57 am

    Na lodhet me lejen e makines cfare lidhje ka koronavirusi me makinen Ku eshte ndryshimi me kembesorin qe eshte ne ambjent te hapur kjo per mua eshte korrupsion ne qofte se une nuk kam leje une jam i detyruar te jap para.si nje Polic tek ish QTU ne Fier Shoferi e kishte lejen nga puna rafineri fier por ishte nisur pak me mbrapa orarit 08 hallet e tija.polici i mori lek.atij policit i therisnin Shef po sme dukej si Shef ai kok palari.per cfare sherben leje perse se thoni troc.se per tu mbrojtur nga korona virusi mbrohem vet.sa jam I sigurt ne makinen time nuk jam ne rrug.tjetra policit I paguaj taksat te me mbroj Jo te na stresoj.nuk kam pare nje Polic te kerkoj letrat e Makines nuk kam pare ndonje Polic qe te mbylli lokalet afer rajoni te policis neper zona periferike nuk del policia edhe tatimorja qe ka lokale qe kan ndonje kapterr policie njeriun e tyre ai e mban hapur lokalin cfar Jan keta Cuba apo Jan te partis ketu perhapet koronavirusi.Jo na mbyllni Brenda ne qe i respektojm vet rregullat Jo se kemi frik nga policia por mbroj familjen tona se ti si shtet nuk me te drejt te me izolosh se shkel te drejtat e njeriut sic keni bere deri me sot.prandaj keto qe thashe Jan te verteta i dini ju Jo se nuk idini.

  2. Alma Reli 28 Prill, 2020 në 4:26 pm

    Biznesi ku une punoj eshte hapur .Duhet te aplikoj une si punetore qe te shkoj ne pune ?

  3. Selim Çelaj 30 Prill, 2020 në 7:57 pm

    Leje per vajtje ne pune me automjet

    • Selim Çelaj 30 Prill, 2020 në 8:01 pm

      Zgjatje leje per vajtje-ardhje ne pune me automjet

  4. Hamit 3 Maj, 2020 në 7:25 pm

    A mund te me thoj dikush cfar te plotesoj tek shasia ne e albania

Adresa juaj e emailit nuk do bëhet publike.

Lajme te ngjashme