Ambasadori i BE-së Luigi Soreca i ka kërkuar qeverisë që të kthejë në një projekt kombëtar projektin e Bashkimit Europian që parashikon kthimin e pronave të krimit në qendra sociale dhe vende punësimi për gratë e dhunuara dhe të trafikuara.
Në një intervistë për News 24, Soreca tha se BE prej disa vitesh ka nisur kthimin e pasurive të konfiskuara në Durrës, Fier dhe Sarandë në qendra sociale dhe mundësi punësimi për gratë e dhunuara dhe të trafikuara, me qëllim riintegrimin e tyre në shoqëri.
Ai vlerësoi dhe operacionin Forca e Ligjit dhe tha se deri tani janë sekuestruar 243 asete kriminale dhe janë dërguar për vlerësim në SPAK:
“Ne presim me padurim finalizimin e procesit, sepse nëse pasuritë do të konfiskohen përfundimisht do të vihen në dispozicion të vazhdimësisë së projektit që ka nisur.”
