Soreka: Ligji antishpifje të jetë në përputhje me rekomandimet e Venecias

Nga Exit News
Soreka: Ligji antishpifje të jetë në përputhje me rekomandimet e Venecias

Ambasadori i BE-së, Luigi Soreca deklaroi se ndryshimet në ligjin për median duhet të jenë në linjën e rekomandimeve të Komisionit të Venecias.

Në një postim në Twitter, Soreca shkruan se janë mbajtur shënim të gjitha deklaratat e mazhorancës në lidhje me ndryshimet në këtë ligj.

“Çdo ndryshim në projektligjin e antishpifjes duhet të jetë në përputhje me rekomandimet e bëra nga Komisioni i Venecias. Autoritetet shqiptare janë zotuar për vazhdimin e punës me këtë ligj duke adresuar të gjitha çështjet e përshkruara në Opinionin e KV-së.

Ne kemi mbajtur shënim të gjitha deklaratat bërë dje nga shumica qeverisëse se do të ndjekë këto rekomandime dhe se do të zhvillojë konsultime të duhura.”

Soreca pohoi se BE do të ndjekë me kujdes të gjitha zhvillimet në lidhje me këtë ligj, në mënyrë që ai të jetë në përputhje me standartet europiane e ndërkombëtare.

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>