SPAK cakton masën e sigurisë për një të ekstraduar nga Gjermania përtej afateve ligjore

Nga Exit News
SPAK cakton masën e sigurisë për një të ekstraduar nga Gjermania përtej afateve ligjore

Prokuroria e Posaçme Kundër Krimit dhe Korrupsionit ka lënë në burg për 5 ditë një person të ekstraduar nga Gjermania pa i caktuar masë sigurie.

Burime për BalkanWeb njoftojnë se Gjergj Çollakut iu dha masa e sigurisë ‘arrest me burg’ 5 ditë pasi ishte ekstraduar, ndonëse kjo duhej brenda 48 orëve sipas ligjit.

56-vjeçari ishte shpallur në kërkim ndërkombëtar për veprat penale “Trafikimi i narkotikëve”, “Grupi i strukturuar kriminal” dhe “Kryerja e veprave penale nga grupi i strukturuar kriminal”.

Ai u arrestua në Gjermani dhe u ekstradua në Shqipëri më 14 janar. Brenda datës 16 janar, SPAK duhet të vendoste masën e sigurisë ndaj tij por procesverbali për ekzekutimin e urdhrit të arrestit është dërguar në Gjykatë më 19 janar, pra 5 ditë me vonesë.

Harresa e Çollakut në burg nuk është çudia e parë që ndodh në SPAK pasi kujtojmë se korrikun e kaluar GJKKO lëshoi urdhër-arrest për dy komisionerë të zgjedhjeve të vitit 2017 të cilët kishin ndërruar jetë kohë më parë.

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>