SPAK merr në pyetje Andi Bushatin për publikimin e të dhënave personale të grumbulluara nga PS

Nga Alice Taylor
SPAK merr në pyetje Andi Bushatin për publikimin e të dhënave personale të grumbulluara nga PS

Prokuroria Speciale Antikorrupsion, SPAK ka marrë në pyetje Andi Bushatin dhe Armand Shkullakun, pronarët dhe redaktorët e Lapsi.al pas lajmit mbi grumbullimin e të dhënave personale nga Partia Socialiste, e 910,000 shqiptarëve.

Të dielën, Lapsi publikoi lajmin mbi një bazë të dhënash që pretendohet se ishin marrë nga Regjistri i Gjendjes Civile dhe institucione të tjera publike, nga Partia Socialiste për t’u përdorur në fushatën zgjedhore.

Të dhënat përfshinin numrin e kartës së identitetit, emrin, atësinë, mbiemrin, datën e lindjes, qendrën e votimit, vendin e lindjes, kodin e banesës, numrin e listës, numrin e telefonit, nëse janë emigrant dhe nëse po, cili vend, nëse ka të ngjarë të votojnë për Partinë Socialiste, vendlindjen, punëdhënësin dhe “Patronazhistin”.

Mendohet se këto të dhëna janë marrë nga Regjistri i Gjendjes Civile, të mbledhura përmes portalit e-Albania dhe institucioneve të tjera publike.

Jo vetëm që këto të dhëna, në formatin Access, u ndanë me një parti politike, por më pas u bënë publike përmes një lidhjeje WeTransfer. Tani dokumenti po shpërndahet gjerësisht dhe është në dispozicion të kujtdo.

Andi Bushati i tha BIRN se prokurorët e pyetën për burimin, gjë për të cilën ai nuk pranoi të flasë. Ai shtoi se prokurorët duhet të hetojnë se si të dhënat përfunduan në duart e politikanëve, sesa mënyra se si media i gjeti ato.

Prokurorët nuk kanë kryer asnjë kontroll në zyrat e partisë ose kanë bërë një koment publik mbi drejtimin e hetimit. Ndërkohë, të dhënat private të qytetarëve po qarkullojnë lirshëm në internet.

Partia Socialiste ka pranuar që baza e të dhënave ekziston, por pretendon se ajo ishte përpiluar për disa vjet me radhë nga takimet shtëpi më derë. Qytetarët, të dhënat e të cilave janë ekspozuar e kanë mohuar këtë, duke deklaruar se nuk u kanë dhënë informacione të tilla anëtarëve të partisë dhe se disa prej të dhënave në dosje nuk ishin madje të njohura prej tyre.

LEXO  Propozimi i PS-së për mbylljen e portaleve në kundërshtim me OSBE-ODIHR

Por informacioni përfshin gjithashtu punëdhënësit, ndryshime e muajve të fundit, biznese të reja që u krijuan në gjashtë muajt e fundit dhe numra të rinj celularësh të regjistruar në vitin e fundit. Një tjetër individ i njohur për Exit News zbuloi se ai ishte regjistruar si i punësuar në një kompani me emër tjetër. Ky informacion nuk ishte i njohur për të dhe mund të gjendej përmes numrit të tij të taksës që është pjesë e të dhënave të e-Albania.

Ata që kanë parë të dhënat thanë se ato janë të azhurnuara dhe përputhen me informacionin që ata kanë dhënë për institucionet shtetërore.

Një fushë lidhet me “shënimet” dhe përmban detaje mbi deklaratat që Patronazhisti ka bërë mbi to. Kjo përfshin ata që kontrollojnë platformën individuale të mediave sociale, bindjet e tyre fetare, favoret që u janë dhënë atyre nga shteti, favoret e kërkuara prej tyre dhe thirrjet për t’i mbajtur nën monitorim.

Disa madje përfshinin informacione personale në lidhje me marrëdhëniet familjare, punësimin e të afërmve, dhe thirrjet për të kontaktuar dhe individin për t’i bërë punonjësit e tyre të votojnë për ta.

Incidenti u shënua menjëherë në portalin ‘Mapping Media Freedom’ si një kërcënim për lirinë e medias.

Adresa juaj e emailit nuk do bëhet publike.

Lajme te ngjashme