SPAK nuk heton vjedhjet e votave në Dibër

Nga Exit News
SPAK nuk heton vjedhjet e votave në Dibër

Prokuroria e Posaçme Antikorrupsion (SPAK) vendosi të mos marrë për hetim çështjen e vjedhjes së votave në zgjedhjet e vitit 2016 në Dibër. E ashtuquajtura “Dosja 184” me përgjime, të cilat u bënë publike nga gazeta BILD i rikthehet Prokurorisë së Dibrës. (Kliko këtu për t’i dëgjuar)

Në gusht 2019 edhe Prokuroria e Krimeve të Renda shpalli moskompetencën për hetimin e kësaj dosjeje. Për vendimin e SPAK-ut reagoi opozita. Sekretari i Përgjitshëm i PD-së, Gazment Bardhi u shpreh se:

“Vendimi […] për të mos lejuar SPAK-un të hetojë […] vjedhjen e zgjedhjeve në Dibër është vendim politik dhe kundër interesave të Shqipërisë. Hetimi i dosjeve ku janë përfshirë zyrtarë të lartë, […] është detyrë ekskluzive e SPAK-ut.  Prokuroria e Posaçme u ngrit për t’i dhënë fund pandëshkueshmrisë së politikanëve dhe zyrtarëve të lartë, por akti i sotëm […] godet çdo pritshmëri se Arben Kraja mund të sillej ndryshe nga Donika Prela [Drejtuese e Prokurorisë së Krimeve të Rënda].

Duke ridërguar dosjen 184 në Dibër, drejtuesi i SPAK, praktikisht, ka varrosur hetimin e një krimi të dokumentuar zgjedhor, i cili është kusht i Bundestagut gjerman për hapjen e negociatave të anëtarësimit të Shqipërisë në BE”.

Po kështu Nënkryetari i Lëvizjes Socialiste për Integrim, Petrit Vasili e konsideroi si një vendim negativ për SPAK-un mos-marrjen për hetim të kësaj çështjeje. Ai tha:

“[…] entuziazmi per SPAK-un u fik pa lindur mirë. SPAK-u u rrezua në të parën provë përballjeje me qeverinë”.

Përgjimet e publikuara nga BILD për këtë çështje përfshijnë ish-Ministrat Tahiri, Gjiknuri dhe deputetë socialistë në biseda me policë, biznesmenë dhe persona të dyshimtë të cilët angazhohen për të siguruar vota në mënyra të paligjshme për zgjedhjet në Dibër.

Hetimet për “Dosjen 184” i kaluan në shtator të 2019 prokurorisë së Dibrës. Dy prokurorët e çështjes, në shtator 2019, vendosën të shtynin hetimet e dosjes me tre muaj. Por pavarësisht se afati ka kaluar, ende nuk ka asnjë informacion nga prokuroria mbi këto hetime.

Hetimet mbi dosjen “184”

Në qershor 2019 Gazeta gjermane BILD publikoi përgjimet e prokurorisë që tregonin shit-blerjen e votave, përdorimin e policisë dhe frikësimin e nëpunësve të administratës për të votuar kandidatin e Partisë Socialiste Muharrem Rama në zgjedhjet vendore 2016.

Këto përgjime treguan disa telefonata të zyrtarëve të lartë të Partisë Socialiste dhe të administratës civile, deputetëve të PS-së, ministrave të qeverisë Rama dhe të vetë Kryeministrit Rama, si dhe të personave me të shkuar dhe aktivitete të dyshimta, të cilët duket se flisnin për disa veprime të dënueshme me ligj.

Bisedat e tyre përfshinin dyshime për blerjen e votave, frikësimin e votuesve, kërkesa joligjore për kontroll të votuesve përmes dokumenteve të identifikimit, shantazhin për heqje nga puna, premtime për punësim dhe ngritje në detyrë etj.

Kjo dosje u hetuan nga prokurorët në Prokurorinë e Krimeve të Rënda për rreth tre vjet. Në 2019, prokurorët e krimeve të rënda shpallën moskompetencën e tyre për të vazhduar hetimet dhe ndërprenë hetimet.

Ata arritën në përfundimin se kjo çështje nuk i përkiste atyre, pasi provat nuk tregonin një “grup të strukturuar kriminal” të përfshirë në shitblerje votash.

Për këtë arsye në gusht 2019, u vendos kalimi i kësja dosje nga prokuroria e Krimeve të Rënda në Prokurorinë e Dibrës. Kalimi i dosjes në prokurorinë e Dibrës u bë në shkelje të ligjit procedural penal, por edhe të praktikave të mëparshme të Prokurorisë së Krimeve të Rënda.

Vendimi i Prokurorisë së Krimeve të Rënda për kalimin e hetimeve tek Prokuroria e Dibrës, u bë pa marrë miratimin e gjykatës, çfarë përbën shkelje të ligjit.

 Exit.al e ka shpjeguar më gjerë këtu se pse transferimi i hetimit u bë në shkelje të ligjit.

2 komente

  1. endri fuga shet bythen te rruga 28 Janar, 2020 në 3:49 pm

    maximumi do futet ndonje administrator ose pastrus banjosh. te dhjefsha spak-un

  2. t 28 Janar, 2020 në 4:52 pm

    Nje m….ka per hetuar.u ndrua emri nga prok.krime te renda ne spak dhe do ndodhe mrekullia.mjer kush e beson

Adresa juaj e emailit nuk do bëhet publike.

Lajme te ngjashme