SPAK përfundon hetimet për të dyshuarin kryesor të vrasjes së Santiago Malkos

Nga Exit News
SPAK përfundon hetimet për të dyshuarin kryesor të vrasjes së Santiago Malkos

Prokuroria e Posaçme kundër Korrupsionit ka përfunduar hetimet për Blendi Tetën, të dyshuarin kryesor për vrasjen e Santiago Malkos në gusht të 2019.

SPAK e akuzoi tetën për vrasjen me paramendim në kuadër të organizatës kriminale.

Santiago Malko u vra mbrëmjen e 27 gushtit 2019 me një atentat të stilit mafioz.

Ai u qëllua teksa po dilte me makinë nga një lavazh në rrugën Xhanfize Keko.

Në vendin e vrasjes, policia gjeti rreth 10 gëzhoja, ndërsa makina që u përdor nga atentatorët u gjet e diegur në fshatin Ferraj, rreth 6.5 kilometra nga vendngjarja.

Deri në vitin 2014 Malko kishte qenë polic, por më pas ishte larguar nga detyra.

Ai njihej për shoqërinë me Ervis Martinajn, ky i fundit akuzuar për vrasje, armëmbajtje pa leje, falsifikim dokumentash, pastrim parash dhe evazion fiskal.

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>