Studentët e Lëvizjes për Universitetin vazhdojnë të jenë shqetësim për Ramën

Studentët e Lëvizjes për Universitetin vazhdojnë të jenë shqetësim për Ramën

Dje gjatë një takimit të kryeministrit Rama me studentët, profesorët dhe dekanët, ku u fol për politikat në arsimin e lartë, dy studente, që mbanin banderolën “Boll i zhvatët studentët”, akuzuan kryeministrin për rritjen e tarifave të arsimit të lartë.

Banderola u gris brenda pak sekondash nga punonjësit e Gardës, të cilët po ashtu nxorrën jashtë me forcë dhe dy studentet. Pas nxjerrjes jashtë të vajzave, Kryeministri Rama i quajit ato “ngelëse”, ndërsa studentët e mbetur në sallë qeshën.

Nxjerrjen me forcë jashtë të dy studentëve e dënoi dhe Partia Demokratike. Deputetja Albana Vokshi, njëkohësisht dhe kryetare e Komisionit të Medias dhe Arsimit, tha se urdhëri për përdorimin e dhunës ndaj studentëve protestues, arroganca, fyerja, poshtërimet e Kryeministrit ndaj studentëve dhe shqetesimeve të tyre janë të patolerushme dhe duhen dënuar.

Kjo nuk është hera e parë që studentë të Lëvizjes për Universitetin, që kanë kundërshtuar që prej fillimit reformën në arsim, protestojnë kundër qeverisë Rama dhe reformës në arsim.

Më 2 nëntor 2015, një grup studentësh të “Lëvizjes për Universitetin” qëlluan me vezë makinën e kryeministrit Rama. Tetë studentët u arrestuan dhe më 20 mars 2017, Gjykata Penale e Tiranës i shpalli ata fajtorë dhe i dënoi me dy muaj burg. Si provë materiale për këtë rast, u sekuestruan mbetjet e një kokërr veze.

Më 18 nëntor 2016, Mirela Ruko, aktivistja e “Lëvizjes për Universitetit” hodhi salcë domateje mbi Ministren e Arsimit Lindita Nikolla, në formë proteste për reformën e arsimit të lartë. Pas ngjarjes ajo u shoqëruar në Komisariatin Nr.1 të Tiranës, ku u mbajt për më shumë se 10 orë.

LEXO  Gjenden të vdekur katër persona të një familjeje në Kosovë

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>