Heqja e kufizimeve si heqja e maskave dhe e distancimit social kur shumica e njerëzve janë vaksinuar rrit shumë rrezikun e varianteve rezistente ndaj vaksinave kundër Covid-19, tregoi një kërkim i ri të premten.
Në një kohë kur gati 60 përqind e evropianëve kanë marrë të paktën një dozë vaksine, studimi sipas France 24 tregon se maska duhet mbajtur deri sa të vaksinohet 100% e popullsisë, plotësisht.
Për të parashikuar sesi virusi i koronavirusit mund të pësojë mutacion në përgjigje të fushatave të vaksinimit, një ekip pan-evropian i ekspertëve simuloi probabilitetin e shfaqjes së një lloji rezistent ndaj vaksinave në një popullsi prej 10 milion njerëzve gjatë tre viteve.
Variablat përfshinin nivelet e vaksinimit, mutacionet dhe përhapjen – përfshirë “valët” e përsëritura të infeksioneve dhe rënies në rastet në përgjigje të bllokimeve.
Në mënyrë të parashikueshme, modeli tregoi se një shkallë e shpejtë e vaksinimit zvogëlonte rrezikun e shfaqjes së mutacioneve rezistente.
Por modeli tregoi se rreziku më i lartë i shfaqjes së mutacioneve rezistente erdhi kur një pjesë e madhe e popullsisë u vaksinua, por jo aq e madhe sa të siguronte imunitetin e tufës.
Kjo është në thelb koha ku pjesa më e madhe e Evropës është aktualisht, ku varianti Delta po përhapet me shpejtësi.
Autorët thanë se modeli tregoi një prag prej 60 përqind të popullsisë së vaksinuar, pas së cilës variantet rezistente kishin më shumë gjasa të ndodhnin.
Aktualisht pak më shumë se një miliard njerëz në të gjithë botën janë plotësisht të vaksinuar kundër Covid-19, me shumë vende-veçanërisht në Afrikë dhe Amerikën e Jugut-ende pa vaksina.
