Talibanët shpallën fitoren të hënën mbi forcat opozitare në luginën Panjshir në verilindje të Kabulit.
Fotografitë në mediat sociale treguan anëtarët talebanë që qëndronin para portës së kompleksit të guvernatorit të provincës Panjshir pasi luftuan gjatë fundjavës me Frontin e Rezistencës Kombëtare të Afganistanit (NRFA), të udhëhequr nga udhëheqësi i Panjshirit, Ahmad Massoud.
“Provinca Panjshir ra plotësisht në Emiratin Islamik të Afganistanit,” tha të hënën zëdhënësi i grupit militant islamik, Zabihullah Mujahid, raporton Reuters.
Nuk pati asnjë reagim të menjëhershme nga Massoud.
Talibanët thanë të dielën se forcat e tyre kishin arritur në kryeqytetin krahinor, Bazarak, dhe kishin kapur sasi të mëdha armësh dhe municionesh.
Ndërsa luftimet u vazhduan në luginë të dielën, Massoud tha se ai mirëpret propozimet e studiuesve fetarë për një zgjidhje të negociuar. Disa përpjekje për bisedime u bënë pasi përplasjet shpërthyen rreth dy javë më parë, por përfundimisht u ndërprenë, ku secila palë fajësoi tjetrën për dështimin e tyre.
Talibanët morën kontrollin mbi pjesën tjetër të Afganistanit tre javë më parë, duke marrë pushtetin në Kabul më 15 gusht pasi qeveria e mbështetur nga Perëndimi u rrëzua dhe Presidenti Ashraf Ghani u largua nga vendi.
Panjshir ishte xhepi i fundit i rezistencës së armatosur kundër talebanëve.
