Talebanët vrasin familjarin e reporterit të Deutsche Welle

Nga Exit News
Talebanët vrasin familjarin e reporterit të Deutsche Welle

Transmetuesi publik gjerman Deutsche Welle thotë se talebanët vranë një anëtar të familjes së një prej reporterëve të tyre në Afganistan dhe plagosën rëndë një tjetër, raporton AP.

Transmetuesi tha të enjten se luftëtarët talebanë po kërkonin gazetarin e Deutsche Welle dhe po kontrollonin shtëpitë në Afganistanin perëndimor. DW tha se anëtarët e tjerë të familjes arritën të shpëtonin.

Media gjermane thotë se vetë gazetari tashmë është vendosur në Gjermani, ku gjithashtu po punon.

Drejtori i Deutsche Welle, Peter Limbourg, dënoi ashpër vrasjen duke thënë se, “vrasja e një anëtari të ngushtë të familjes së një prej gazetarëve tanë nga talebanët është tragjike dhe një dëshmi për rrezikun që të gjithë punëtorët tanë dhe familjet e tyre janë të ekspozuar në Afganistan. ”

Ai shtoi: “Talibanët padyshim po kryejnë kërkime të organizuara për gazetarë në Kabul dhe provincat. Koha po mbaron.”

Limbourg shtoi se shtëpitë e të paktën tre gazetarëve të tjerë të Deutsche Welle u kontrolluan nga talebanët në Afganistan ditët dhe javët e fundit.

Adresa juaj e emailit nuk do bëhet publike.

Lajme te ngjashme