Ministria e Shëndetësisë ka konfirmuar praninë e variantit Delta të koronavirusit në Shqipëri.
Rritja e infektimeve në 2 javët e fundit ka ardhur si pasojë e përhapjes së këtij varianti, njofton ministria.
Varianti Delta i COVID-19 është varianti më i transmetueshëm.
Ministria i bën thirrje qytetarëve të vaksinohen për të ulur rrezikun e infektimit me koronavirus.
Aktualisht në Shqipëri janë kryer 1,134,085 vaksinime, nga të cilat, 496,714 mijë qytetarë janë vaksinuar me të dy dozat e vaksinës anticovid.
