Platforma e komunikimit online Telegram ka bllokuar kanalin kundët vaksinave të Covid-19, në Itali. “Ky kanal nuk mund të shikohet sepse ka shkelur kushtet e shërbimit të Telegramit”, shkruhet në Telegram, kur klikohet tek në kanalin Basta Dittatura.
Ky kanal drejtoi bisedën kundër vaksinave dhe kundër pasaportës së gjelbër. Ata drejtuan edhe protestat në rrugë e deri te bojkoti i restoranteve dhe bareve që kërkojnë kartat e vaksinimit.
Më parë Prokurori i Torinos kishte kërkuar mbylljen e kanalit duke kërkuar edhe konfiskim.
“Ky grup nxit dhunën kundër mjekëve që merren me vaksinimet. Ata publikuan emrat e mjekëve të veçantë që bënin thirrje për linçimin e tyre. E gjithë kjo është në kundërshtim me politikën e Telegram. Para se ta bllokonim, ne paralajmëruam moderatorët e kanalit që të ndalonin këto shkelje, por ata nuk e bënë atë”, lexohet në mesazhin me të cilin Telegram shpjegon vendimin për mbylljen e kanalit
Kanali kishte tejkaluar 40 mijë abonentë dhe ishte bërë një nga kanalet kryesore të informacionit kundra vaksinimeve.
