Tensionet Iran-SHBA, deputeti iranian ofron 3 milionë dollarë për vrasjen e presidentit Trump

Nga Exit News
Tensionet Iran-SHBA, deputeti iranian ofron 3 milionë dollarë për vrasjen e presidentit Trump

3 milionë dollarë dëmshpërblim ka ofruar një deputet iranian, Ahmad Hamzeh, për personin që vret presidentin e SHBA-ve Donald Trump.

Ende nuk dihet nëse ky është një dëmshpërblim dhe urdhër marrë nga shteti iranian si hakmarrje për vrasjen e gjeneralit të lartë Qasem Soleimani, apo është nismë personale e deputetit.

Sipas media AlJazeera dhe Russia Today, deputeti e premtoi shpërblimin në emër të  të popullit të zonës Kerman, ku dhe është varrosur gjenerali iranian.

Deputeti sygjeroi dhe që Irani të nisë prodhimin e armëve bërthamore për të mbrojtur veten:

“Nëse ne do të kishim armë bërthamore, ne do të mbroheshim nga kërcënimet. Ne duhet të fillojmë ndërtimin e raketave me rreze të gjerë. Kjo është e drejta jonë.”

Deklaratave të deputetit Iranian iu përgjigj diplomati amerikan Robert wood, i cili e quajti planin e deputetit akt terrorist:

“Kjo është qesharake, po të jep ty përshtypjen e një akti terrorist, dhe ky lloj regjimi duhet të ndryshojë sjelljen e tij.”

Në fillim të janarit, forcat amerikane vranë në Irak gjenerali iranian Qasem Soleimani, i konsideruar si krahu i djathtë i udhëheqësit fetar Ayatollah Khamenei.

Vrasja ka shkaktuar përshkallëzim të tensioneve mes dy vendeve. Irani zyrtar ka bërë thirrje për hakmarrje ndërsa SHBA-të u kanë bërë thirrje qytetarëve të tyre të largohen nga Iraku.

Më 8 janar, Irani goditi me 22 raketa balistike dy bazat ushtarake amerikane në Irak, por pa shkaktuar viktima mes amerikanëve.

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>