Tentativë për vrasje ndaj kushuririt të deputetit socialist Harusha

Nga Exit News
Tentativë për vrasje ndaj kushuririt të deputetit socialist Harusha

Mesditën e së hënës, dy persona ende të panjohur kanë tentuar të vrasin me armë zjarri Fatjon Harushën, 30 vjeç.

Ngjarja ka ndodhur në fshatin Kuq në Vukatane të Shkodrës. Harusha ka mundur t’i shpëtojë atentatit, pa marrë asnjë plagë.

Sipas informacioneve të deritanishme, Harusha ka qenë në makinën e tij duke ecur, teksa dy persona, një vajzë dhe një burrë, mbi një motorr në lëvizje e kanë qëlluar me armë zjarri.

Harusha është djali i xhaxhait të deputetit të PS, Luan Harusha.

Në korrik të 2018-ës, gazeta e rëndësishme belge La Derniere Heure përmendi deputetin socialist si ‘mbrojtësin politik’ të bandës së fisit Bajri nga Shkodra.

Gazeta akuzonte deputetin Harusha se kishte shpëtuar Safet Bajrin, kreun e bandës, nga arrestimi pas një grindje me armë të ndodhur në një nga lokalet më të famshme të Shkodrës.

Kjo lidhje ndërmjet deputetit të PS dhe bandës Bajri është denoncuar më parë edhe nga opozita dhe disa media të vendit.

Vetë deputeti socialist Harusha i ka mohuar lidhjet me Safet Bajrin, pas shkrimit në median belge.

2 komente

Adresa juaj e emailit nuk do bëhet publike.

Lajme te ngjashme