Presidenti Thaçi i bëri thirrje qeverisë dhe opozitës që të bashkohen në bisedime për të mirën e dialogut me Serbinë dhe njohjen e pavarësisë së Kosovës.
Gjatë një gjatë një adresimi përmes Facebookut, Thaçi tha se duhet të ketë debat të shëndetshëm mes qeverisë dhe opozitës, por dhe unitet për dialogun me Serbinë:
“Duhet t’i flasim botës me një zë dhe të zhvillojmë dialogun me Serbinë me një unitet shembullor çfarë e kishim në Rambuje, në Vjenë dhe në Bruksel.
Kosova sot ka nevojë më shumë se kurrë për dialog të civilizuar mes forcave politike, për stabilitet institucional, për qeverisje të mirë dhe unitet qytetar e politik, veçanërisht në dialogun për njohjen e saj përfundimtare nga Serbia dhe nga krejt bota.”
Thaçi i bëri apel partive që të lënë mënjanë ndasitë politike dhe hatërmbetjet dhe të vendosin Kosovën mbi to.
