Tiranës i shtohen 2 mandate deputetësh, Dibra dhe Gjirokastra humbin 1 mandat

Nga Exit News
Tiranës i shtohen 2 mandate deputetësh, Dibra dhe Gjirokastra humbin 1 mandat

Komisioni Qendror i Zgjedhjeve ka propozuar rishpërndarjen e mandateve të deputetëve në 3 zona zgjedhore, Dibër, Gjirokastër dhe Tiranë. Sipas propozimit të KQZ, Dibrës dhe Gjirokastër do t’u hiqen nga një mandat deputeti dhe ato t’i shtohen qarkut të Tiranës.

Vendimi i KQZ u morr sepse numri total i deputetëve nuk mund të ndryshojë, por rishpërndarja e mandateve mund të bëhet sipas lëvizjeve të popullsisë.

Kështu, Dibra nga 6 deputetë që kishte derimë sot, tashmë do të ketë 5 dhe Gjirokastra nga 5, do të ketë 4 mandate. Ndërsa Tirana nga 34 do të bëhet me 36 mandate.

Nga zgjedhjet e vitit 2017, e deri më sot, popullsia në këto dy qarqe u tkurr.

Sipas të dhënave nga Regjistri i Gjendjes Civile, dhe llogarive të “Me Pak Fjalë”, rezulton se në vitin 2020:

Në Dibër do të duheshin edhe 21 mijë qytetarë më shumë për të patur 6 mandate.

Në Gjirokastër do duheshin edhe 14 mijë qytetarë, për të patur 5 mandate.

Nga ana tjetër, qarku i Tiranës ka rreth 54 mijë qytetarë të pa përfaqësuar dhe për këtë arsye u propozua të shtohen dy mandatet që janë hequr në Dibër dhe Gjirokastër.

Screen Shot at PM
Screen Shot at PM

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>