Minatori humb jetën në minierën e kromit

Minatori humb jetën në minierën e kromit

Një minator 53 vjeçar humbi sot jetën në minierën e kromit në Bulqizë.

Minatori u godit në kokë nga një masiv guri, teksa punonte në galerinë D të minierës.

Miniera e kromit në Bulqizë, njihet si një prej më të rrezikshmeve dhe në kushte të papërshtatshme për të punuar, por kjo nuk ka bërë që institucionet përkatëse të vënë përpara përgjegjësisë kompanitë koncesionare.

Gjatë dy viteve të fundit, të paktën shtatë minatorë kanë humbur jetën dhe disa të tjerë janë plagosur në këtë minierë. Pjesa më e madhe e aksidenteve janë shkaktuar nga rënia e masivëve të gurit në galerinë D .

– Më 25 maj 2018, dy minatorë u plagosën në minierën e kromit në Bulqizë, teksa punonin në nivelin e 17-të të minierës

– Më 11 maj 2018, një minatori 62 vjeçar humbi jetën, pasi një masiv shkëmbor i ra sipër teksa po punonte në galerinë D të minierës.

– Në mars 2018, një minator 66 vjeçar humbi jetën, si pasojë e shëmbjes së një masivi shkëmbor.

– Në nëntor 2017, viktima ishte një minator 20 vjeçar, ndërsa në tetor një 33 vjeçar.

– Në shkurt, tre minatorë kinezë mbetën të bllokuar për disa ditë dhe më pas u nxorën të vdekur nga miniera e kromit në Bulqizë. Ata humbën jetën si pasojë e një shpërthimi gazi. Tre minatorë të tjerë u plagosën gjatë këtij aksidenti.

– Megjithë vdekjet e shumë minatorëve në minierat e kromit në Bulqizë, asnjë drejtues apo pronar i kompanive koncesionare nuk është ndjekur penalisht në tre vitet e fundit.

 

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>