Tjetër përdhunim i dyfishtë, punonjësit e Shtëpisë së Fëmijës dhe polici abuzuan me një vajzë

Nga Exit News
Tjetër përdhunim i dyfishtë, punonjësit e Shtëpisë së Fëmijës dhe polici abuzuan me një vajzë

Një tjetër rast abuzimi seksual i dyfishtë ndaj një vajze të re është bërë publik mbrëmjen e 5 qershorit.

Bëhet fjalë për një përdhunim të dyfishtë, ndodhur në vitin 2015 ndaj një vajze, e cila kishte shkuar në Policinë e Shkodrës për të denoncuar përdhunimin që i kishin bërë disa persona, punonjës të Shtëpisë së Fëmijës në Shkodër.

Por në ambientet e komisariatit, vajza është përdhunuar sërish nga një efektiv me inicialet I.D, me detyrë në atë kohë Specialist i Hetimit të Krimeve në DVP Shkodër.

Sot ky efektiv mban detyrën e shefit të Postës së Policisë të Fushë-Arrëzit. Ai është arrestuar dhe është në pritje në masës së sigurisë nga gjykata.

Vajza e abuzuar ka mundur të tregojë për ngjarjen e rëndë vetëm 5 vite më pas, në prani të një psikologu. Ajo tashmë ndodhet në një qendër sociale ku po merr shërbimet e nevojshme.

Më pas ngjarja është zbuluar nga një hetim i Shërbimit për Çështjet e Brendshme dhe Ankesat në bashkëpunim me Prokurorinë Shkodër.

Ngjarja e rëndë vjen vetëm pak ditë pas bërjes publike të një tjetër rasti abuzimi ndaj një të miture: Abaz Dogu, 65 vjeç, roje shkolle dhe 3 djem kanë abuzuar seksualisht dhe shantazhuar një 15-vjeçare, nxënese e shkollës në Babrru.

Të gjithë të akuzuarit kanë marrë masën e sigurisë arrest me burg dhe janë në pritje të gjykimit.

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>