Turqia hap 1 mijë tregje të reja për të luftuar inflacionin e lartë

Nga Exit News
Turqia hap 1 mijë tregje të reja për të luftuar inflacionin e lartë

Presidenti Tajip Erdogan njoftoi të dielën se ka urdhëruar kooperativat bujqësore të hapnin rreth 1000 tregje të reja në të gjithë vendin për të siguruar çmime “të përshtatshme” për mallrat e konsumit ndërkohë që vendi përballet me inflacion vjetor rreth 20%.

Ndërtimi do të fillojë shpejt për t’u ofruar turqve “mallra të lirë dhe me cilësi të lartë” dhe për të “balancuar tregjet”, tha Erdogan, pasi çmimet e konsumit priten të rriten në nivele shumë më lart se një objektiv zyrtar prej 5%.

Të shqetësuar nga inflacioni i lartë dhe anketat e opinionit, qeveria e Erdoganit dhe ka filluar të drejtojë gishtin tek supermarketet dhe ka hapur hetime për çmimet e mundshme shfrytëzuese.

“Ne dhamë urdhër që rreth 1000 prej këtyre bizneseve të hapen në të gjithë Turqinë, duke filluar nga 500 metra katrorë secila,” u tha Erdogan gazetarëve pasi vizitoi një pikë të kooperativës së kredive bujqësore në Stamboll.

“Këto janë vende ku çmimet janë të përshtatshme për buxhetet e qytetarëve tanë,” shtoi ai.

Inflacioni ka mbetur dyshifror gjatë pjesës më të madhe të pesë viteve të fundit në Turqi, duke ndikuar në të ardhurat e familjeve dhe duke e lënë vendin prapa në zhvillimin ekonomik.

Analistët thonë se rënia e besimit në bankën qendrore është faji kryesor për problemin e inflacionit në Turqi. Erdogan shkarkoi tre guvernatorët e fundit të bankave për mosmarrëveshjet në politikë.

LEXO  Erdogan, Mitsotakis dhe Salvini urojnë Ramën për mandatin e tretë

Adresa juaj e emailit nuk do bëhet publike.

Lajme te ngjashme