Shoqëria Ujësjellës-Kanalizimet Durrës do të nisë pezullimet e kontratave të furnizimit me ujë për banorët, shtëpitë e të cilëve janë dëmtuar nga tërmeti i 26 nëntorit.
Me anë të një njoftimi, UKD sqaron se pezullimi mund të jetë i përkohshëm ose I përhershëm. Të gjithë qytetarët e interesuar duhet të paraqiten personalisht pranë zyrave të UKD-së dhe të kenë me vete librezën e ujit dhe kartën e identitetit. Pezullimi i kontratës do të ofrohet falas.
Afati për pezullimin e kontratave është deri në 31 janar 2020.
Për pagesat e faturës së muajit nëntor, UKD nuk do të aplikojë kamat-vonesa, duke i ardhur në ndihmë banorëve të prekur nga tërmeti.
