Urdhërohet mbyllja e Televizionit Ora—sulm i hapur qeveritar kundër medias

Nga Exit News
Urdhërohet mbyllja e Televizionit Ora—sulm i hapur qeveritar kundër medias

Inspektoriati Shtetëror Shëndetësor ka kërkuar mbylljen e aktivitetit të televizionit RTV Ora për shkak të shkeljes së udhëzimeve të Ministrisë së Shëndetësise për lejimin e vetëm dy personave në studiot televizive.

Lajmin e ka bërë publik vetë RTV Ora që ka publikuar edhe proces-verbalin e gjobës.

Fillimisht, është gjobitur me 1 milionë emisioni 360° i Artur Zhejit, pasi në datën 11 maj ka patur tre të ftuar të pranishëm në studio përveç Zhejit, ndërkohë që lejohet vetëm një.

Dje është gjobitur e 1 milionë lekë gazetarja Sonila Meço dhe emisioni Tempora pasi në transmetimin e datës 13 maj kanë qenë dy të ftuar në studio.

Pas këtyre dy dënimeve, më datën 14 maj Inspektoriati Shtetëror Shëndetësor ka kërkuar mbylljen e aktivitetit të televizionit duke urdhëruar ndërprerjen e sinjalit të transmetimit.

Drejtori i informacionit të RTV Ora, Brahim Shima deklaroi se mbyllja e televizionit ka ndodhur sepse janë lejuar njerëzit të flasin në studio. Kjo është e qëllimshme.

Ai shtoi se në ambientet e televizionit, asnjë institucion nuk ka bërë inspektime, por kanë vendosur gjoba pasi kanë parë fotot dhe videot e emisioneve.

Mbyllja e një televizioni është akt një ekstrem që mund të justifikohet vetëm në rastet e aktiviteteve kriminale.

Natyra joproprocionale e dënimit dëshmon se ky veprim është sulm direkt i qeverisë ndaj lirisë së medias dhe të shprehjes.

Ky veprim vjen në vazhdën e rritjes së sulmeve qeveritare ndaj gazetarëve dhe medias dhe pason precedentin e rrezikshëm të mbylljes se televizionit Agon disa vite më parë.

 

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>