Vaksina e AstraZeneca efikase ndaj variantit britanik të COVID-19

Nga Exit News
Vaksina e AstraZeneca efikase ndaj variantit britanik të COVID-19

Vaksina kundër COVID-19 e kompanisë AstraZeneca është efikase edhe ndaj variantit britanik të koronavirusit, njoftoi universiteti i Oksfordit të premten.

Sipas studiuesve që kryen testimin e vaksinës, ajo rezulton 84% efikase për variantin e parë të koronavirusit dhe 75% për variantin britanik.

Varianti i ri, i identifikuar për herë të parë në Anglinë jugore, është më lehtë i transmetueshëm, duke bërë që shumë vende të kufizojnë udhëtimin në Britani. Ai çoi gjithashtu në një rritje të infeksioneve që detyruan një bllokim të ri kombëtar në Angli muajin e kaluar.

Mbi 10 milion njerëz kanë marrë një dozë të parë të AstraZeneca ose Pfizer në Mbretërinë e Bashkuar.

Vaksinat e AstraZeneca pritet të vijnë në Shqipëri përmes instrumentit COVAX i cili ka paralajmëruar se do të nisë shpërndarjet nga gjysma e dytë e muajit shkurt.

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>