Vaksina ul numrin e të infektuarve në spital dhe viktimave nga COVID-19 në Britani

Nga Exit News
Vaksina ul numrin e të infektuarve në spital dhe viktimave nga COVID-19 në Britani

Të dhënat e para nga Anglia dhe Skocia tregojnë se vaksinat kundër COVID-19 po zvogëlojnë numrin e personave të shtruar në spital dhe numrin e viktimave.

Vaksina duket se po parandalon transmetimin e koronavirusit, raportuan zyrtarët e shëndetit publik anglez dhe skocez të hënën.

Shkencëtarët në Angli vlerësuan se nivelet e shtrimit në spital dhe numri i vdekjeve do të bien rreth 75 përqind tek ata që marrin një dozë të vetme të vaksinës BioNTech / Pfizer.

Kjo mund të jetë një “nënvlerësim”, sipas Mary Ramsay, shefe e imunizimit në Shëndetin Publik Angli. Analiza përfshiu njerëz të vaksinuar 14 ditë më parë dhe për këtë arsye nuk mat katër javët që duhen për të llogaritur plotësisht rritjen e mbrojtjes , sidomos tek njerëzit e moshuar, tha ajo.

Ky lajm vjen teksa Britania e Madhe po njofton planet për heqjen e kufizimeve , të cilat përfshijnë lejimin e të gjithë fëmijëve që të kthehen në shkollë në 8 Mars dhe lejimin e grupeve deri në gjashtë persona duke filluar nga 29 Marsi.

Për personat rreth 80 vjeç doza e parë e vaksinës është 57 përqind e efektshme në parandalimin e COVID-19. Kjo rritet në më shumë se 85 përqind pas dozës së dytë.

Grupi më i ri i vaksinuar – punonjës të kujdesit shëndetësor nën 65 vjeç – treguan një mbrojtje prej 72 përqind kundër infeksionit me një dozë të vetme, duke u rritur në 85 përqind pas dozës së dytë. Punonjësit e kujdesit shëndetësor në studim testohen çdo dy javë.

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>