Komisioneri i Zgjerimit Oliver Varhelyi i bëri thirrje partive politike të vazhdojnë me zbatimin e reformës zgjedhore, si kushtin kryesor për mbajtjen e Konferencës Ndërqeveritare me BE-në. Në fjalën e tij në Kuvend, të mërkurën, Varhelyi i bëri thirrje:
“Palëve politike të agazhohen në zbatimin e reformës zgjedhore. Ju duhet ta dini reforma zgjedhore është kusht për Konferencën Ndërqeveritare”.
Ai shtoi se vendi ka bërë përpara në luftën kundër krimit. Komisioneri përshendeti formimin e institucioneve të reja të drejtësisë, duke e cuar vendin “pranë përmbushjes së të gjitha kushteve përpara konferencës së parë ndërqeveritare”.
Komisioneri përshendeti marrëveshjen e 5 qershorit dhe kërkoi zbatimin e të gjitha reformave të përfshira në marërveshjen e 5 qershorit.
“Institucionet duhet të punojnë që të bëjnë të mundur që Shqipëria të ecë përpara drejt BE-së. Shqipëria kaloi një periudhë të vështirë me tërmetin dhe krizën e Covid-it, ne kemi qëndruar pranë jush me një asistencë që nuk ishte njohur. Ne jemi në atë moment kyc, Shqipëria gjendet më pranë se kurrë përpara BE-së, prandaj kontributi i të gjitha forcave është kyc, le ta marrim atë hap”, përfundoi Varhelyi.
