Vdes pacienti i 12-të me koronavirus në Shqipëri

Nga Exit News
Vdes pacienti i 12-të me koronavirus në Shqipëri

Një 82-vjeçare nga Tirana, e diagnostikuar me Covid-19, vdiq mbrëmjen e së hënës në Spitalin Infektiv të QSUT-së.

Autoritetet shëndetësore njoftuan se e moshuara me inicialet L.M trajtohej prej 5 ditësh në spital.

Prej fundjavës gjendja e saj ishte rënduar duke pësuar ndërlikime fatale për shëndetin.

Ministria e Shëndetësisë njoftoi se ajo vuante nga disa sëmundje: astma bronkiale, hipertension, sëmundje reumatismale.

E moshuara është viktima e 12 e COVID-19 në Shqipëri.

Të hënën Ministria e Shëndetësisë njoftoi 11 të diagnostikuar me Covid-19 duke e çuar totalin në 223 raste – 44 prej të cilëve janë shëruar dhe 12 kanë vdekur.

Adresa juaj e emailit nuk do bëhet publike.

Lajme te ngjashme